Kailan ba Tama Ang Mali?

Mula ng umpisahan ang bagong schedule resulta ng rebidding maraming mga katrabaho ko ang naapektuhan. At narito ang mga ilan:

1. Paycut o pagbawas ng sweldo

2. Mag-quit sa trabaho dahil conflict ang oras nila ( Work Schedule).

3. Walang day-off sa week end na mahalaga sa mga may pamilya.

Mahalaga ang week-end sa pakikipag kapwa-tao lalo na ang pagtitipon (party or family & friends gatherings) upang magkaroon ng isang maganda at tahimik na lipunan na may pagkakapatiran.

Ang pagsamba o pagsimba kung ikaw ay mananamplataya kung araw ng linggo kasama ang iyong pamilya ay naapektuhan din nito. Ito ay tuluyang inalis at nagawa ng company ng walang pakialam.

4. Ang pagpapa-uwi ng maaga (early outs) at paguumpisa ng 7:00AM ay nakakatipid sila ng $2.00 each) pera dahil sa mawawala ang differential pay. Malinis nilang nagagawa ito na di napapansin ng mga kasama ko at hindi nakakasuhan. Na pagpinagsama-sama mo ay malaking tulong financial sa bawa't isa sa amin.

5. Ang di pagbibigay o pagbili ng mga safe equipment kagaya ng karagdagang forklift na matagal na naming nire-request ay binabale-wala din. Kasama na dito ang di tamang pagme-maintain ng mga gamit kagaya ng skid-lift na kailangan palagi, salamat kay kasamang "Supremo" sa pag-ganap sa napakagaling na pagtatrabaho mai-maintain lamang mga ito, gayung hindi ito sakop ng kanyang job description, na sa tingin ko ay isang pang-aabuso .

Ito ay hindi ligtas sa amin lalo na sa aming katawan at kalusugan. Ito ay nagagawa nila ng di nakakasuhan ng OSHA. Ang isa pa ayang paglilinis ng wala sa tamang pagkakataon ay kanila ring ginagawa habang may nagtrabaho. Kagaya ng pagbo-blow ng ilalim ng makina gamit ang air hose. Ito ay mahigpit nilang pinagbababawal noong bago pa ako sa UT.

7. Ang di pagbibigay ng tamang workforce o paghahati upang magampanan ang kaukulang trabaho ng mga tao ay di rin ligtas sa lahat.

Marami pag mga bagay ang dapat kong isulat upang mapag-aralan mabuti ang mali nilang pamamalakad at ito lang ang ilan. Sana magkaisip at magbigay linaw sa aking mga kasama ang totoo. Isipin nila na sila ay may karapatan bilang pangkaraniwang mang-gagawa lalo na ang kanilang kaligtasan habang ginagawa ang kaukulang trabaho.

Nakakatuwa at di-kapanipaniwalang isipin ng sistemang ito na di nila iniisip na ang pangkaraniwang mangga-gawa ay tao rin. Na may katulad na pangangailangan at pangarap katulad nila.

At ang dahilan ng lahat ng ito ay ka-suwapangan (Corporate greed) at pang-aalipin sa mga migrante sa bagong panahon. Di ako nagtataka kung bakit ang Amerika ay bumababa ang ekonomiya sa dahilang mababang moral kagaya nito.

Dapat malaman ng marami na kung walang "union" everything is "ungegotiable". Magagawa nila ang lahat ligtas ka man o hindi, mai-labas lamang ang pahayagang naturan. Walang kwenta kung anong kalidad meron 'yan. Basta ang importante ay ang bawa't dolyar na pumapasok sa bulsa nila. Habang nakaupo lamang sila at ang mga pangkaraniwang manggagawang katulad ko ay tapat na ginagawa at ginagampanan ng tapat ang naturang trabaho sa araw-araw.---Meinard B.
--Meinard B.