Sa iyo pahayagang U-T, Huwag mong itulak sa kahirapan ang iyong mang-gagawa!

Sa mga nakalipas na panahon, ang mga mamayang taga-San Diego ay palagiang umaasa sa pahayang San Diego Union-Tribune sa mga bago at sariwang balita at mga mahahalagang pangyayari sa ating lungsod. Mga balitang nakakatulong sa ating araw-araw na pamumuhay.
Sa ngayon, ang pahayagang Union-Tribune ay sinasaktan ang kanilang sariling mang-gagawa at ang mga pamilya nito.

Kabahagi ng mga balitang inahahatid araw-araw sa ating mga mamayan ay ang mga masisipag at tapat na mang- gagawa ng packaging at pressroom deparment. Ito ay binubuo ng mga migranteng lalaki at babae mula sa iba't-ibang bansa. At ang bunga ng mabuti nilang pagtatrabaho ay tanghaling isa ang pahayagang ito sa pinaka-matagumpay sa larangan ng pamamahayag dito sa bansang Amerika.

Nguni't taliwas sa dapat asahan na karapat-dapat lamang sana silang bigyan ng kaunting pabuya ng nagmamay-aring si "Mr. David Copley." Ang kanilang dedikasyon sa kanilang pagta-trabaho ay sinuklian nila ng pag-antala sa pagbibigay ng kontrata na umabot na sa higit na isang taon. At sapilitan nilang binawasan ng 50% ang benepisyo at suweldo ng mga pangkaraniwang mang-gagawa. Ang pagbawas na ito ay magtutulak at magdudulot sa karamihan ng paghihirap.

Ang karamihan sa mga mang-gagawa ito ay mga migranteng Latino at Filipino na ninais na makarating sa bansang ito upang magtrabaho at gumanda ang kinabukasan ng kani-kanilang pamilya.

Ngayon, pagkatapos na sila ay tumubo ng malaki at umani ng papuri na mula sa paghihirap sa masipag at bilang tapat na mang-gagawa, ang pahayagang Union-Tribune ay nais alisin ang ating"American Dream!"

Sa iyo Pahayagang Union-Tribune, Maging Makatao ka!:" Huwag mong itulak sa kahirapan ang iyong mang-gagawa!"

Related link (in English)